नेप्सेको सीइओमा नारदकुमार लुईंटेल

काठमाडौं । नेपाल स्टक एक्सचेन्ज (नेप्से) को सीइओमा नारदकुमार लुईंटेल नियुक्त भएका छन् । सोमबार बसेको मन्त्रिपरिष्द बैठकले लुईंटेललाई सीइओ नियुक्त गर्ने निर्णय गरेको हो । नेप्से सीइओका लागि ५ जना सर्टलिस्टमा परेका थिए ।

सर्टलिस्टमा पर्नेमा चुडामणि चापागाईं, नारदकुमार लुइँटेल, पूर्णप्रसाद आचार्य, बद्रिप्रसाद प्याकुरेल र हेमन्त बस्याल रहेका थिए । त्यसमध्येबाट सर्टलिस्टमा परेका मध्येबाट सर्लाही हरिवनका ४५ वर्षीय लुईंटेललाई मन्त्रिपरिषद्ले नियुक्त गरेको हो ।

लुईंटेलले त्रिभुवन विश्वविद्यालयबाट वाणिज्य विषयमा स्नातकोत्तर गरेका छन् । विभिन्न सरकारी तथा गैरसरकारी नियकामा नेतृत्व तहमा रहेर काम गरेको अनुभव उनीसँग छ ।

उनी पछिल्लोपटक पर्यटन मन्त्रालय अन्र्तगतको तारागाउँ विकास समितिको अध्यक्षका रुपमा २०७२ देखि २०७६ सालसम्म (चार वर्ष) नेतृत्व गरेका थिए । उनी लामो समयसम्म पर्यटन व्यवसाय र अध्यापनमा समेत संलग्न थिए । -नोटबजारबाट साभार गरिएको